O experto responde: Día Mundial do Parkinson 2013

Nº de preguntas: 18

Pregunta 1:O Parkinson pode afectar á memoria?

Resposta:Pode afectar á memoria, sobre todo á memoria executiva e despois de moitos anos nunha porcentaxe de aproximadamente un 20% pode producir un deterioro máis importante da memoria pero non todos os enfermos van ter un deterioro cognitivo. Moitos deles se alcanzan idades importantes poden desenvolver demencia pero nunha similitude parecida á poboación xeral.

Pregunta 2:Din que o tabaco prevén o Parkinson. É isto verdade? A que se debe?

Resposta:Isto está relacionado co feito de que o 90% dos enfermos de Parkinson son non fumadores. Derivado deste feito fixéronse hipotésis pensando que o tabaco podería ser neuroprotector e que na enfermidade de Parkinson concretamente, podería beneficiala. En realidade, a maioría dos enfermos de Parkinson son non fumadores porque desde moitos anos antes de desenvolverse a enfermidade xa presentan un ton dopaminérgico diminuído, por tanto a diminución da dopamina condiciona que os pacientes sexan pouco proclives a ser adictos ao tabaco, ao té, ao café… Tamén é certo que hai algunhas publicacións nos que en estudos de laboratorio faise referencia a unha certa neuroprotección da nicotina e outras sustancias do tabaco.

Pregunta 3:Os enfermos de Parkinson deben de seguir unha dieta estricta? É dicir, a alimentación pode interferir co tratamento que está tomando?

Resposta:En fases avanzadas da enfermidade as proteinas poden interferir na absorción do tratamento farmacolóxico da enfermidade de Parkinson. Por este motivo, nesas fases, recoméndase tomar a levodopa antes das comidas e concretamente na comida do mediodía, que é a máis copiosa, recomendáse tomar menos proteinas do habitual. Unha das causas desta problema é que o transportador da dopamina é o mesmo transportador das proteinas, e por outro lado, hai unha alteración dos receptores dopaminérxicos que provoca que unhas veces se abosorba mellor e outras peor a medicación, o que provoca o que coñecemos co nome de -fluctuacións motoras-.

Pregunta 4:¿Qué tipo de exercicios están indicados para persoas con Alzheimer? A natación sería recomendable? Grazas.

Resposta:Referidos á enfermidade de Parkinson, o exercicio forma parte do tratamento da enfermidade. Está comprobado que o exercicio físico diario ten un certo factor beneficioso sobre a evolución da enfermidade, polo tanto recoméndase sempre facer un exercicio diario que pode ser de calquera tipo, como camiñar, piscina, exercicios de mantemento e outros. Non se recomenda facer un exercicio extenuante porque o cansancio pode acentuar os síntomas da enfmermidade, aínda que de forma transitoria.

Pregunta 5:Qué tipo de actividades se levan a cabo dende as Asociacións de Parkinson?

Resposta:Na Asociación de Parkinson Compostela, hai dúas actividades que funcionan dende hai bastante tempo, a logopedia e fisioterapia. As dúas son en grupo e cun número determinado de persoas. Tamén se ofrece axuda psicolóxica, actividades lúdicas, talleres de música, conferencias, apoio ás familias. As reunións de grupo de carácter terapéutica son as que mellor funcionan. Este ano vaise organizar unha carreira pedestre solidaria co apoio da Federación Galega de Atletismo, a Universidade e o Concello de Santiago que está previsto para finais de xuño. As persoas interesadas nas actividades da asociación, poden consulta a páxina web da Asociación: parkinsoncompostela.org ou no teléfono 649115151.

Pregunta 6:Que efectos secundarios se poden presentar despois de realizar a cirurxia?.Moitas grazas.

Resposta:Os efectos secundarios despois da cirurxía máis importantes son: 1)rotura dun eléctrodo (4-6%), ás veces por actividades non apropiadas do paciente e nunha porcentaxe moi pequena, despois de anos, por fatiga do material, 2)infección (3-5%), nalgúns casos derivado de falta de coidado das feridas postquirúrgicas e noutros, por causas descoñecidas. Ás veces hai efectos secundarios derivados da propia estimulación, en porcentaxes moi pequenas: apatía, depresión, alteración na afluencia verbal… que na maioría dos casos, despois duns meses, terminan por desaparecer.

Pregunta 7:¿Qué porcentaxe de persoas padecen parkinson en España? ¿existen variables sociodemográficas asociadas ó feito de padecelo?

Resposta:A incidencia da enfermidade é de aproximadamente 250/100 000 habitantes. Isto supón aproximadamente 7500 enfermos para Galicia e 100 000 para o Estado español. Estas cifras increméntanse a medida que aumenta a expectativa de vida, polo tanto canta máis lonxevidade, máis enfermos de Parkinson vai haber. Non existen variables sociodemográficas aínda que hai estudos epedemiolóxicos nos países nórdicos onde se aprecia maior incidencia no medio rural relacionado cos pesticidas, industria da madeira, augas de pozo, etc.

Pregunta 8:Que opinión ten sobre o articulo – A vida milagre de Basilio – en La Voz de Galicia. É positivo ou negativo ?

Resposta:Nese artigo hai varias inexactitudes. En primeiro lugar, os enfermos operados de Parkinson poden viaxar en calquera medio de transporte. Aos enfermos de Parkinson dáselles un carné cos datos de dispositivo que achegan para que cando teñan que viaxar en avión, sexan chequeados manualmente e non polo detector, debido a que os arcos de detección producen un campo magnético que pode apagar o sistema, pero en ningún caso, aínda apagándose o sistema vai ter ningunha repercusión negativa agás que hai que volver acendelo. Salvo esta cuestión, non hai ningún problema para viaxar. Desde o punto de vista da entrevista, a información que se ofrece ten varios erros que non se axustan á realidade.

Pregunta 9:Na progresión da enfermidade, pásase sempre ou case sempre dun parkinson unilateral a un bilateral dun xeito progresivo?

Resposta:Si, na maioría dos enfermos a enfermidade comeza unilateral e ao cabo dos anos os síntomas fanse bilaterais. Hai algúns casos onde a enfermidade permanece unilateral durante moitos anos, sobre todo aqueles enfermos onde predomina o temblor.

Pregunta 10:Doutor Castro, pola súa extraordinaria experiencia, porque a xente nova non manifesta que ten a enfermidade de Parkinson ?.

Resposta:A miña experiencia demóstrame que a xente nova non oculta a enfermidade necesariamente máis que xente de maior idade, é cuestión de personalidade.

Pregunta 11: O 15/07/2012 colocáronme unha máquina ( bomba) (DUODOPA), a partir dese momento atópome ben. Sinto con forzas para conducir, poderían darme un informe?

Resposta:Esa cuestión terá que ser avaliada na próxima revisión clínica. De todos os xeitos, se a melloría clínica é significativa, non exclúe que poida volver conducir.

Pregunta 12:Nos medios aparece cada certo tempo unha investigación alentadora para os enfermos. ¿Cal é o seu entender o descubrimento máis esperanzador dos últimos tempos?

Resposta:A investigación nestes momentos que pode ter un futuro prometedor é, sobre todo, a terapia xénica, que dalguna maneira pode revertir parte dos problemas da enfermidade. Pero de momento aínda se está pendente dos resultados desta técnica.

Pregunta 13:¿Sale moi caro facerse socio de Parkinson Compostela?

Resposta:Non é para nada caro. Son 100 euros ao ano e con esta cuota o enfermo ten dereito ás terapias a un prezo módico. Neste momento, por 10 euros ao mes, os socios teñen dereito a realizar logopedia e fisioterapia. Agora mesmo, o que máis interesa á asociación é que aumente o número de socios. Sempre atoparán o maior apoio e seriedade ante esta enfermidade. Dende aquí, quero agradecerlle a todos os que fan posible que esta asociación siga manténdose. Aproveito para invitar a todos os que queiran coñecernos a que se acerquen mañá ao Salón de Actos da Casa das Asociacións CABES onde haberá unha serie de profesionais relacionados coa enfermidade de Parkinson que contestarán a todas as preguntas que queiran facer e o xoves – Día Mundial do Parkinson – como todos os anos, teremos a nosa mesa informativa na Praza do Toural en Santiago de Compostela. Estas actividades están abertas a todo o mundo.

Pregunta 14:Que inflúe o exceso de peso nesta enfermidade de Parkinson ?

Resposta:Na enfermidade onde a mobilidade está reducida, é importante non ter sobrepeso, como en calquera outro tipo de enfermidade pero non cabe dúbida que o exceso de peso dificulta que os movemento se fagan coa mesma axilidade ou soltura.

Pregunta 15:Pódense sufrir síntomas psicóticos na enfermidade de Parkinson?

Resposta:Nalgunhas fases do Parkinson avanzado poden presentarse síntomas psicóticos pero, xeralmente, están relacionados co exceso de medicación ou con algúns fármacos que en principio son útiles para mellorar a mobilidade pero que nas fases avanzadas poden producir efectos secundarios deste tipo. Estes síntomas son reversibles, axustando a medicación ou tratándose con neuroléticos atípicos.

Pregunta 16:Cren que algún día veremos unha cura para esta enfermidade?

Resposta:Sen dúbida algún día si. Esperamos que non sexa moi afastado pero una das premisas importantes é descubrir cal é a causa ou causas que produce a enfermidade.

Pregunta 17:Que se pode facer para que unha persoa con Parkinson teña maior calidade de vida?

Resposta:Primeiro, por parte do médico, facer un tratamento adecuado á fase da enfermidade. Por parte do enfermo, cumprir devandito tratamento, facer unha actividade física diaria sistemática. Por parte da familia ou da contorna, un apoio constante sobre estes enfermos e unha comprensión adecuada á enfermidade.

Pregunta 18:ola, lin un artigo sobre un novo fármaco aínda experimental chamado atremorine obtido da vicia faba. sabe se se comercializa ?, que opinión  lle merece?. grazas

Resposta:De momento non está comercializado nin sabemos que vaia a ser comercializado. Necesitará estudos con ensaios clínicos para valorar se pode ser últil ou non. A vicia faba é de onde se extrae a levodopa que é o medicamento principal da enfermidade de Parkinson. Mentres non se vexan os resultados, non podemos opinar sobre isto.

Advertisements
Publicado en NOVAS | Etiquetado , , | Deixar un comentario

DIA MUNDIAL DO PARKINSON

Seguindo cos actos programados dende a Concellaría de Sanidade de Culleredo polo día Mundial do Parkinson, mañá 9 de abril de 18.00 a 20.00 hs, no enlace que habilitaremos nesta mesma páxina, realizaremos o FORO EXPERTOS cos seguintes profesionais:

  • Dr. Alfonso Castro García. Médico especialista de Neuroloxía do Complexo Hospitalario Universitário de Santiago.
  • Dna. Carmen Guillin Gendre. Presidenta da Asociación Parkinson Compostela.

E as 20.30 hs, no Teatro Colón, a beneficio da Asociación Parkinson Coruña, gala solidaria. Entradas en http://www.servinova.com e nas billeteiras do Teatro.

Cartaz Gala Parkinson Teatro Colón

 

Publicado en ACTOS, EVENTOS, NOVAS | Etiquetado , , , , , , | Deixar un comentario

CULLEREDO PARTICIPA NA GALA DA ASOCIACIÓN PARKINSON GALICIA/CORUÑA

Hoxe 3 de abril, ás 18.00 no Centro Cívico dos Mallos, a Coral Municipal do Concello de Culleredo, participará na Gala Benéfica organizada pola Asociación Parkinson Coruña. Podedes descargar o programa premendo AQUI

CMYK b‡sico

Publicado en ACTOS, EVENTOS, NOVAS | Etiquetado , , , | Deixar un comentario

Un test xenético permite diagnosticar o autismo e tratar ao neno precozmente

Hoxe, 2 de abril, celébrase o Día Mundial do Autismo, unha alteración do neurodesarrollo que compromete as competencias sociais, comunicativas e lingüísticas e das habilidades para a simbolización e a flexibilidade. Aínda que as súas causas e etioloxía descoñécense na súa totalidade, a pesar das continuas e numerosas investigacións, parece que as alteracións xenéticas están na base da enfermidade nun gran número de casos. Os Trastornos do Espectro Autista (TEA) son moi complexos de diagnosticar; o médico avalía a conduta do neno e o seu desenvolvemento pero non existen probas médicas. Algúns TEA pódense detectar aos 18 meses ou antes, pero até os dous anos o diagnóstico experimental non é fiable e moitos nenos non son diagnosticados até bastante despois, o que significa que moitos non reciben a axuda necesaria.

Segundo datos estatísticos de 2012, a prevalencia é un caso de TEA por cada 150 nenos en idade escolar. Sen atención temperá, a detección precoz non serve de nada. Cada vez hai máis casos de autismo detectados no primeiro ano de vida. Na actualidade, en España hai entre 300.000 e 350.000 persoas autistas. Os expertos calculan que tres de cada 1.000 nenos sufrirán trastorno autista, sendo catro veces maior a probabilidade nos homes que as mulleres.

A importancia do diagnóstico

Para diagnosticar un TEA, en primeiro lugar avalíase o desenvolvemento, unha proba para saber se o neno está a aprender as destrezas básicas propias da súa idade ou se presenta algún tipo de atraso; o médico fai preguntas aos pais, fala ou xoga co neno para examinar como aprende, fala, se comporta e se move. Un atraso en calquera destas áreas é signo dun problema. Os nenos deben ser examinados para detectar atrasos do desenvolvemento e discapacidades durante as visitas regulares ao pediatra -aos 9 meses, 18 meses, 24 e 30 meses-, e deben realizarse avaliacións complementarias se presenta condutas asociadas a estes trastornos ou se concorren factores de risco como o feito de ser prematuro, baixo peso ao nacer ou por antecedentes familiares (como irmá, irmán ou outro familiar con trastornos do espectro autista). Os pais deben asegurarse de que nos recoñecementos de rutina, o pediatra realiza este tipo de avaliación e, se se detecta algún signo que suxira un problema deste tipo, asegurarse de conseguir unha avaliación diagnóstica integral.

A avaliación integral pode comprender probas de capacidade e competencia audiovisual, probas xenéticas, neurológicas e outras probas médicas. Nalgúns casos, o médico de atención primaria remite a outro especialista para levar a cabo unha avaliación e diagnósticos adicionais. Estes especialistas adoitan ser pediatras do desenvolvemento -médicos que recibiron unha formación especial en desenvolvemento infantil e en nenos con necesidades especiais-, neurólogos infantís -que tratan problemas do cerebro, columna vertebral e nervios-, psicólogos ou psiquiatras infantís -que se especializan nos procesos mentais-.

O autismo non ten hoxe curación pero un diagnóstico precoz e certeiro permite coñecer o seu nivel de severidade e determinar as medidas educacionales e o tratamento apropiado, o que fai posible que algúns nenos autistas poidan desenvolver aspectos de certa independencia nas súas vidas. O diagnóstico xenético é unha axuda esencial, rápida, eficaz e fiable para o diagnóstico de trastornos do espectro autista. Hoxe coñecemos moitas rexións do xenoma humano cuxa alteración se relaciona con trastornos autistas.

O test de diagnóstico xenético KaryoNIM® 180K Autismo -baseado na técnica do array-CGH (Hibridación Xenómica Comparada)- analiza todo o xenoma do paciente en busca de alteracións que confiren susceptibilidade ao autismo. Cunha simple mostra de sangue, leva a cabo unha análise completa do xenoma e en menos de dez días, permite a detección rápida e fiable de alteracións xenética asociadas aos TEA.

A vantaxe do diagnóstico xenético que explique a aparición do TEA nun paciente é dobre. Por unha banda, se se detectan alteracións nos xenes incluídos en KaryoNIM® 180K Autismo, permite establecer un diagnóstico clínico máis fiable e definido.  En segundo lugar, se se establece unha relación entre unha alteración xenética e o TEA do paciente, é posible realizar un consello xenético de mellor calidade, é dicir, é posible definir mellor o impacto do diagnóstico na familia (por exemplo para futuros embarazos).

autismo

Publicado en EVENTOS, NOVAS, PREVENCIÓN | Etiquetado , , | Deixar un comentario

DOAZON DE SANGUE EN VILABOA

O luns, día 1 de abril, desprazarase a UNIDADE MÓBIL do Centro Transfusión de Galicia ata  Culleredo, en VILABOA:
UNIDADE MÓBIL AO CARÓN DA OFICINA DE CAIXA GALICIA
das 16:00 ás 21:00 horas

doa-sangre

Publicado en ACTOS, EVENTOS, NOVAS, SAUDE PÚBLICA | Etiquetado | Deixar un comentario

TALLERES DE APOIO PSICOLÓXICO DE AEAL

Continuamos cos Talleres de Apoio Psicolóxico de AEAL para Pacientes e Afectados/as por Cancro.  O vindeiro xoves 21 de marzo desenvolverase o que leva por título “A comunicación durante o proceso de enfermidade”, no que o psicólogo José María
Freire mostraranos as claves e ferramentas prácticas que  axudarán aos/as pacientes para lograr unha mellor comunicación co persoal sanitario e demais axentes relacionados coa
enfermidade.

O taller terá lugar no Centro Agra Activa situado na rúa Aiún nº 2, baixo (zona Agra do Orzán) da Coruña, entre a Praza do Comercio e a Rolda de Nelle en horario de 20:00 a 21:30 h.

A asistencia a este taller, é gratuíta para todos os interesados en asistir, tanto
pacientes como familiares.

Para máis información podes contactar:

  • Co departamento de Sanidade do Concello de Culleredo, na Costa da Lonxa ou polos medios electrónicos habituais
  • No correo electrónico:  fj.hurtado@aeal.es
  • Ou no teléfono 686731648.

Podes descargar o  cartaz coa programación de talleres do primeiro semestre de 2013 premendo AQUI

AEAL

Publicado en ACTOS, EVENTOS, NOVAS, PREVENCIÓN, SAUDE PÚBLICA | Etiquetado , | Deixar un comentario

XORNADA DE FORMACIÓN DE PROFESORADO DE APOIO E ACADEMIAS

Os compañeiros de ANHIDA seguen no seu empeño de achegar cada vez a mais sectores coñecementos sobre o trastorno do TDAH. Por iso, queremos convidarvos a participar na seguinte actividade o próximo venres 15 de marzo, as 20 horas, no local Social da Costa da Lonxa.

tdah15M

Publicado en ACTOS, EVENTOS, NOVAS, SAUDE PÚBLICA | Etiquetado , | Deixar un comentario